Psa 78:62-71 | SwhNEN | STEP | Aliachia watu wake wauawe kwa upanga, akaukasirikia sana urithi wake.

Psalms 78:62-71

62 ^aAliachia watu wake wauawe kwa upanga,
akaukasirikia sana urithi wake.
63 ^bMoto uliwaangamiza vijana wao,
na wanawali wao hawakuimbiwa nyimbo za arusi,
64 ^cmakuhani wao waliuawa kwa upanga,
wala wajane wao hawakuweza kulia.

65 ^dNdipo Bwana alipoamka kama vile kuamka usingizini,
kama vile mtu aamkavyo kutoka kwenye bumbuazi la mvinyo.
66 ^eAliwapiga na kuwashinda adui zake,
akawatia katika aibu ya milele.
67 ^fNdipo alipozikataa hema za Yosefu,
hakulichagua kabila la Efraimu,
68 ^glakini alilichagua kabila la Yuda,
Mlima Sayuni, ambao aliupenda.
69 ^hAlijenga patakatifu pake kama vilele,
kama dunia ambayo aliimarisha milele.
70 ⁱAkamchagua Daudi mtumishi wake
na kumtoa kwenye mazizi ya kondoo.
71 ^jKutoka kuchunga kondoo alimleta
kuwa mchungaji wa watu wake Yakobo,
wa Israeli urithi wake.